Liverpooli është një prej skuadrave më në formë në tërë Evropën deri në këtë pikë të sezonit.

Skuadra angleze është në krye të Premier Leagues si dhe është e para në fazën e ligës së Ligës së Kampionëve, shkruan Arbresh.info.

Derisa sot faqja zyrtare e “The Reds” ka publikuar një intervistë të trajnerit Arne Slot.

Për holandezin është shume e rëndësishme që gjysmëstinori të përfundojë në mënyrën më të mirë të mundshme.

‘You have my word’ – Arne Slot’s Christmas message to supporters 💬🎄

— Liverpool FC (@LFC) December 25, 2024

“Ne jemi ende në gjysmën e parë të sezonit, por po i afrohemi pikës ku të gjithë do të kenë luajtur gjysmën e ndeshjeve të tyre dhe ky është një moment kur ne do të kemi një ide më të qartë se ku jemi të gjithë”, ka thënë fillimisht Slot.

“Kjo është arsyeja pse unë kam thënë vazhdimisht se gjykimet para kësaj faze nuk janë një përfaqësim i vërtetë. Vetëm kur çdo skuadër të ketë luajtur me njëri-tjetrin dhe luhatjet e formës dhe fatit të kenë barazuar vetveten, ne do të fillojmë të kuptojmë më mirë si po performojmë të gjithë”.

“Për këtë arsye – dhe shumë të tjera përveç kësaj – dua ta përfundoj gjysmën e parë të sezonit sa më fort që të jetë e mundur”, përfundoi trajneri holandez.

Liverpooli sfidën e radhës e luan ditën e nesërme ndaj Leicesterit në kuadër të Prmier League, gjersa në ditën e Krishtlindjeve e kryeson tabelën e kësaj lige me katër pikë diferencë nga vendi i dytë.

Që nga ardhja e Arne Slot në krye të “The Reds”, ky ekip ka humbur vetëm një sfidë ndaj Nottingham Forestit në Premier League, kurse ndodhet edhe në gjysmëfinale të EFL Cup./Arbresh.info