Katër astronautë të NASA-s dërguan mesazhin e tyre të Krishtlindjeve në Tokë, duke i uruar të gjithëve një sezon të gëzuar pushimesh.

“Krishtlindjet ka të bëjë me kalimin e kohës me miqtë, familjen dhe njerëzit e dashur. E dini, këtë vit ne do të jemi në orbitë larg tyre. Pra, ne duam t’ju urojmë me gjithë zemër Gëzuar Krishtlindjet dhe shpresoj të keni pushime të mrekullueshme. Dua t’ju them që ne nuk jemi të vetmit që do të kalojmë kohë larg familjeve tona gjatë festave. Unë dua t’i falenderoj këta astronautë për sakrificat, ne punojmë çdo ditë dhe gjatë festave për këtë mision.”

NASA raporton se katër astronautët në bordin e stacionit do të konsumojnë gjithashtu edhe drekën e Krishlindjeve së bashku si dhe do të kenë mundësinë të bisedojnë me familjen.

Video e astronautëve të NASA-s Suni Williams, Nick Hague, Butch Wilmore dhe Don Pettit u regjistrua më 23 Dhjetor 2024 ndërsa ishin të veshur gjithashtu me veshje festime dhe me kapuça të kuq.

Sipas NASA-s, katër astronautët janë në mes të një misioni afatgjatë që jetojnë dhe punojnë në laboratorin e mikrogravitetit. Astronautët Suni Williams dhe Butch Wilmore kanë mbetur të bllokuar në hapësirë ​​që kur anija e tyre kozmike Boeing hasi në probleme në Qershor dhe ata do të qëndrojnë në hapësirë ​​deri në fund të Marsit./Klan News