Parandalohet një rast i kontrabandës në Han të Elezit, vlera e mallit rreth 20 mijë euro

14:57 | 23 Dhjetor 2024
E.G

Policia e Kosovës në zonën kufitare në mes të Republikës së Kosovës dhe Maqedonisë së Veriut dje në fshatin Dimcë të Hanit të Elezit, kanë vërejtur një automjet kombi furgon pa targa duke kaluar vijën kufitare përmes rrugëve malore.

Sipas njoftimit, policia ka parandaluar kontrabandë me mallra gjithsej 573 artikuj në vlerë rreth 20.000.00 euro, shkruan Arbresh.info.

I dyshuari është dërguar në mbajtje për 48 orë.

“Lidhur me rastin të gjitha veprimet janë ndërmarrë në bashkëpunim me prokurorin e Shtetit, ku me urdhër të tij, i dyshuari mashkull kosovar drejtues i mjetit dërgohet në mbajtje për 48 orë, kurse i dyshuari tjetër lirohet në procedurë të rregullt, ndërsa malli i kontrabanduar dhe automjeti sekuestrohen dhe dërgohen në terminalin doganor.”, thuhet në njoftimin e policisë./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm