Monitorim 24 orë me kamera për ujësjellësit, Balluku: Rritje e sigurisë së ujit

10:09 | 21 Dhjetor 2024
E.K

Zëvendëskryeministrja e Shqipërisë, njëherësh ministre e Infrastrukturës dhe Energjisë, Belinda Balluku, bëri të ditur se objektet e ujësjellësave do të pajisen me kamera, çka do të sjellë rritje të sigurisë së furnizimit me ujë për qytetarët.

Sipas saj, pajisja me kamera do të sigurojë monitorim 24 orë në 7 ditë të javës.

“Puna po vijon me ritme të shpejta për rrethimin dhe vendosjen e kamerave në 143 objekte në Fier, Mallakastër, Patos dhe Roskovec, ku do të mbikëqyren në kohë reale nëpërmjet sallës së operimit dhe monitorimit”, deklaroi Balluku.

Ajo theksoi se ky proces do të vazhdojë të shtrihet më tej, me synim rritjen e sigurisë dhe cilësisë së ujit./atsh

Shpërndaje në rrjete sociale

Lajmet më të lexuara

Të ngjashme

Foto lajm