Zvicra dhe Bashkimi Europian kanë arritur një marrëveshje të re për të forcuar lidhjet e tyre tregtare dhe për të shënuar rindërtimin e marrëdhënieve bilaterale në vitet e fundit.

Negociatat e përbashkëta filluan në mars dhe u thelluan në zona të ndjeshme të sovranitetit, si mënyra për të zgjidhur mosmarrëveshjet kur ligji zviceran dhe ai i BE-së bien në kundërshtim, në një marrëdhënie tregtare bilaterale që ka një vlerë rreth 300 miliardë frangash zvicerane (338 miliardë dollarë) çdo vit.

Marrëveshja është një hap përpara krahas përpjekjes së fundit, e cila dështoi në vitin 2021 kur Berna u tërhoq papritur. Presidentja zvicerane, Viola Amherd dhe presidentja e Komisionit Europian, Ursula von der Leyen, shpallën marrëveshjen politike në një konferencë të përbashkët për shtyp në Bern.

Marrëveshja mbulon fusha që variojnë nga elektriciteti, ndihma shtetërore, transporti dhe liria e lëvizjes.
Sipas marrëveshjes, kontributi vjetor i Zvicrës për BE-në do të mbetet 130 milionë franga zvicerane (145 milionë dollarë) gjatë një faze kalimtare deri në fund të vitit 2029. Nga viti 2030, ai do të rritet në 350 milionë franga deri në vitin 2036, tha qeveria zvicerane. / abcnews.al