Mungesa e zinkut ka një lidhje të fortë me tensionin e lartë të gjakut.

Ky është konkluzioni i një studimi të cilit i referohet AgroWeb.org sipas të cilit zinku tjetërson përpunimin e kripës nga ana e veshkave dhe rritjen e tensionit.

Mungesa e zinkut është shumë e përhapur tek njerëzit e prekur nga sëmundjet kronike.

Këtu përfshihen: diabeti i tipit 2 dhe sëmundjet kronike të veshkave.

Tensioni i gjakut ndikohet fort edhe nga mënyra se si veshkat përthithin dhe nxjerrin kripën e tepërt nga organizmi.

Sa më pak sodium të ketë në urinën e njeriut aq më i lartë do të jetë tensioni i gjakut, thonë ekspertët.

Çfarë Është Zinku?
Zinku është një metal i dobishëm për shëndetin e njeriut.

Nëse organizmi ka sasi të tepërta apo të pakëta të zinkut, ekuilibrat e shumë sistemeve përfshirë këtu tensionin e gjakut pësojnë luhatje.

Sipas ekspertëve, tepricat e zinkut ndikojnë në tensionin sistolik të gjakut.

Ata shpjegojnë se nëse njeriu merr teprica të zinkut mund të përballet me një stres të lartë oksidues në enët e gjakut.

Zinku është një mineral që ndërvepron me minerale të tjera, veçanërisht bakrin me të cilin ndikojnë në tensionin e gjakut.

Një studim të cilit i referohet AgroWeb.org shpjegon se kur ndërveprimi i këtyre mineraleve nuk është në sinkron, pasojat i vuan tensioni i gjakut.

Prishja e ekuilibrave të zinkut dhe bakrit në trup rrit rrezikun e tensionit të lartë të gjakut ose siç njihet ndryshe hipertensioni.

Për pasojë, ekspertët rekomandojnë kujdes në lidhje me sasitë e zinkut.

Sasia e rekomanduar ditore e zinkut për meshkujt është 11 mg në ditë.

Për femrat, sasia e rekomanduar ditore është 8 mg.

Megjithatë, sasia e nevojshme e zinkut është në varësi të shumë faktorësh.

Këtu përfshihen: mosha, sëmundjet apo shtatzania.

Vetëm një mjek specialist mund të këshillojë sasinë e nevojshme të zinkut që mund të merren nëpërmjet suplementëve. /AgroWeb.org