Google ADS

Arrestohet 40 vjeçari në veri, policia i gjen rreth 100 kartela të lojërave të fatit

15:33 | 19 Dhjetor 2024
K.B

Policia e Kosovës ka arrestuar një 40 vjeçar në veri, pasi i ka gjetur rreth 100 kartela të lojërave të fatit si dhe një telefon.

Sipas policisë, i dyshuari është sjellë në stacion policor ku është intervistuar nga hetuesit ndërsa kartelat e dyshuara si dhe telefoni janë sekuestruar.

“Të gjitha veprimet e ndërmarra i janë paraqitur prokurorit të rastit, ku pas intervistimit, me aktvendim të prokurorit i dyshuari është liruar dhe rasti ka vazhduar në procedurë të rregullt”, thuhet në njoftimin e policisë për media.

Ndërsa, policia apelon te të gjithë qytetarët për bashkëpunim dhe rithekson përkushtimin e saj në luftimin e çdo dukurie që bie ndesh me ligjin.

“Çdo rast do të trajtohet me seriozitet dhe përgjegjësi, duke u siguruar që shkelësit e ligjit të përballen me drejtësinë”, thuhet tutje në njoftim./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm