Google ADS

Aro Muric shpallet lojtari më i mirë i ndeshjes në fitoren e Ipswichit ndaj Wolves

19:20 | 14 Dhjetor 2024
R J

Portieri kosovar, Arijanet Muric, po vazhdon të shkëlqejë me paraqitjet e tij në elitën e futbollit anglez me fanellën e Ipswich Town.

Gardiani i ‘Dardanëve’ ishte sërish vendimtar për ekipin e tij, ku kësaj radhe përmes pritjeve të jashtëzakonshme që bëri, ua mundësoi atyre të marrin pikët e plota në udhëtim tek Wolvesi.

Ipswich Town arriti që të fitojë me rezultat të ngushtë 2-1 ndaj Wolvesit në kuadër të javës së 16-të në Ligën Premier.

Për paraqitjen e tij fantastike në këtë sfidë, Muric u vlerësua me notën 8.1 nga Sofascore duke u shpallur kështu lojtari më i mirë i ndeshjes.

Muric bëri plotë pesë pritje, ku tri prej tyre erdhën brenda zonës dhe ishin jetike për të shmangur barazimin.

Ai gjithashtu pati dy grushtime të topit si dhe kompletoi plotë 30 pasime të sakta.

Për 26-vjeçarin kjo nuk është hera e parë që shpallet lojtari më i dalluar i ndeshjes, pasi edhe më herët këtë edicion ka pasur paraqitje të shquara./Telegrafi/

Shpërndaje në rrjete sociale

Lajmet më të lexuara

Të ngjashme

Foto lajm