Google ADS

Janë në garë për titull, por Marseca thotë se nuk po mendojnë për transferime të reja

15:00 | 11 Dhjetor 2024
Q L

Chelsea është duke kaluar një periudhë jashtëzakonisht të mirë si në Ligën Premier, ashtu edhe në Ligën e Konferencës.

Londinezët janë të dytët në tabelë me 31 pikë në tabelë, katër më pak se Liverpooli.

Por problemi më i madh i Chelseat këtë edicion ka qenë qendra e mbrojtjes, megjithatë nuk pritet të ndërhyjnë në janar.

Ka qenë trajneri i Chelseat, Enzo Maresca që ka deklaruar se klubi nuk po e konsideron afatin kalimtar të dimrit.

“Jo, nuk po mendojmë fare për afatin kalimtar të janarit. Kemi ende shumë ndeshje para asaj kohe”.

“Kemi edhe 6 ndeshje të tjera në Ligën Premier dhe dy ndeshje të Ligës së Konferencës. Ka shumë ndeshje para janarit dhe ne jemi të fokusuar se sa ndeshje kemi deri atëherë”, tha Maresca.

Mbetet të shihet nëse londinezët do ta përforcojnë repartin e tyre defensivë për të qenë edhe më konkurrues. /Telegrafi/

Shpërndaje në rrjete sociale

Lajmet më të lexuara

Të ngjashme

Foto lajm