Google ADS

Ballkani ndalet në Ferizaj, Feronikeli merr pikë në Malishevë

15:28 | 8 Dhjetor 2024
E.G

Ballkani është ndalur me barazim në Ferizaj, ndërsa edhe Feronikeli e Malisheva kanë ndarë pikët.

Të dielën janë zhvilluar dy ndeshje të javës së gjashtëmbëdhjetë të Superligës së Kosovës në futboll, ku rezultatet nuk kanë prodhuar fitues.

Në Ferizaj, kampioni aktual, Ballkani, nuk ia ka arritur të marrë më shumë se një pikë, pasi ka barazuar 1-1 në ndeshje me Ferizajn. Ballkani ka kaluar herët në epërsi me një gol të shënuar nga Hamidi në minutën e njëzet e katërt, por Ferizaji e ka gjetur forcën për të barazuar në minutën e tetëdhjetë e katërt përmes Abdul.

Ndërkohë, në stadiumin “Liman Gegaj”, Malisheva dhe Feronikeli kanë luajtur pa gola. Përkundër përpjekjeve nga të dyja skuadrat, asnjëra nuk ia ka arritur të konkretizojë rastet e krijuara, duke bërë që takimi të mbyllet me rezultat 0-0.

Pas këtyre rezultateve, tabela e Superligës kryesohet nga Drita me tridhjetë e shtatë pikë, ndërsa në vendin e dytë qëndron Malisheva me njëzet e nëntë pikë./rtk

Shpërndaje në rrjete sociale

Lajmet më të lexuara

Të ngjashme

Foto lajm