Mbretëria e Bashkuar nuk është e përgatitur për një pandemi tjetër dhe mund të mos jetë në gjendje të prodhojë mjaftueshëm vaksina nëse ajo ndodh, paralajmëron një grup i fuqishëm politikanësh.

Baronesha Brown, kryetare e Komitetit të Shkencës dhe Teknologjisë në Dhomën e Lordëve, tha se ekspertët kanë “shqetësime në lidhje me kapacitetin e Mbretërisë së Bashkuar për të prodhuar vaksina për kërcënimet e ardhshme biologjike”, në një letër drejtuar Kancelarit të Dukatës së Lancaster.

Grupi tha se Mbretëria e Bashkuar është “potencialisht e pozicionuar mirë për të zhvilluar kërkime vaksine të niveleve botërore”, por ky avantazh nuk është shfrytëzuar.

Disa projekte lidhur me vaksinat janë “ndalur” dhe ekspertët janë të shqetësuar se marrëveshja me Moderna mund të eksplorojë vetëm mARN.

Në krahasim, BE ka futur plane për të siguruar një shumëllojshmëri mundësish vaksinash, gjithashtu SHBA-ja dhe Japonia po zhvillojnë vaksina orale dhe intranazale, të cilat mund të jenë më të lehta për t’u shpërndarë. Këto vaksina mund të shkaktojnë imunitet më të fortë tek ata që janë infektuar lehtë, gjë që mund të ndihmojë në ndalimin e transmetimit të virusit. / abcnews.al