Djali i Isni Kilaj: Sot nuk kemi pasur kontakt me babain, pritet që sot të shkoj drejt Gjykatës së Hagës

11:21 | 6 Dhjetor 2024
E.K

Gjykata Speciale ka arrestuar të enjten ish-kryetarin e Malishevës, Isni Kilaj.

Kilaj, i cili ka qenë komandant i UÇK-së, ishte arrestuar edhe më parë nga kjo gjykatë më 2 nëntor 2023.

Në një përgjigje për Arbresh.info, djali i tij, Blend Kilaj, ka konfirmuar se sot ende nuk kanë pasur asnjë kontakt ose informacion lidhur me babain e tij. Sipas informacioneve të marra ditën e djeshme, Blendi tha se babai i tij ka qëndruar në Bazën e EULEX-it dhe se pritet që sot të fluturojë për në Hagë.

Ndryshe, me urdhër të Zyrës së Prokurorit të Specializuar, të enjten është ndërmarrë një aksion i gjerë në Kosovë, ku janë kryer arrestime dhe bastisje në disa shtëpi të ish-pjesëtarëve të UÇK-së. Gjatë aksionit janë arrestuar: ish-kryetari i Malishevës, Isni Kilaj, ish-shefi i AKI-së, Bashkim Smakaj, dhe ish-pjesëtari i UÇK-së, Fadil Faziu.

Kjo prokurori me seli në Hagë ka njoftuar se aksioni ka të bëjë me dyshimet për vepra penale kundër administrimit të drejtësisë./Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm