Një ekip arkeologësh britanikë kanë identifikuar në Nazaret, Izrael, një banesë që daton në shek. I që mund të jetë vendi ku Jezusi u rrit së bashku me prindërit e tij Marian dhe Jozefin.
Ekipi britanik me në krye Ken Dark, profesor në Universitetin e Reading në Mbretërinë e Bashkuar kanë publikuar një studim ku ai pretendon se ka gjetur vendin ku mund të jetë rritur Jezusi. Banesa ndodhet në Nazaret, Izrael dhe është zbuluar për herë të parë më 1880 nga disa murgesha të manastirit të motrave të Nazaretit. Megjithatë vetëm në vitin 2006, ekipi i hulumtuesve zbuloi se banesa i përkiste shekullit të I dhe se aty u rrit Jezu Krishti, ashtu siç kishte besuar popullata lokale për shekuj me radhë.
“Ishte kjo shtëpia ku u rrit Jezusi? Është e pamundur ta thuash me siguri”, thotë Dark duke shtuar se, “nga ana tjetër nuk ekzistojnë arsye arkeologjike për ta përjashtuar këtë opsion”. Specialistët vërtetuan që shekuj më pas u ndërtua në atë vend e ashtuquajtura “Kisha e ushqyerjes” e dekoruar me mozaikë me motive bizantine. Ky tempull ra në shekullin VIII dhe u ndërtua në shekullin XII nën kontrollin e kryqtarëve dhe më pas u dogj në shekullin XIII.
“Bizantinët dhe kryqtarët shkruan se Krishti ndoshta u rrit pikërisht në vendin ku ne punojmë. Mirëpo, kur Mesia i ardhshëm la Nazaretin me Marian dhe Jozefin në vendin e shtëpive të braktisura u ngrit një tempull dhe rreth tyre një varrezë ( ku ndodhen dy varre)”, thotë Dark. Gjithashtu, pavarësisht nga provat arkeologjike, një tekst i vitit 670, i shkruar nga Abbot Adomnán de Iona, ku tregohet pelegrinazhi i peshkopit francez Arculf në Nazaret, përmendet një kishë “që më parë ishte shtëpia ku Zoti kaloi fëmijërinë e tij”.
Shtëpia kishte disa dhoma dhe një shkallë të ngjitur një mur. Disa nga këto janë ndërtuar me gurë dhe llaç dhe të tjera ishin gdhendur në gurë gëlqerorë. Brenda janë gjetur enë gatimi të thyera, boshte për tjerrje, vazo me gur gëlqeror, të cilat ishin tipike të epokës.
Meta njofton ndryshimet në mënyrën se si WhatsApp dhe Messen...
Irani “dërgon” qindra raketa balistike në Rusi
Ukraina e shqetësuar për praninë e raketave balistike irania...
Vogëlushi i afrohet Kurtit për ‘selfie’, ia vë gishtin në gj...
Fundjavë me fluks në Morinë, qytetarët e Kosovës për pushime...
Shqipëria me përmbysje spektakolare ndaj Ukrainës merr tri p...