Kryeministri i vendit, Albin Kurti, ka reaguar sërish ndaj sulmit në  kanalin e Ibër-Lepencit.

Me anë të një postimi në “X”, ai ka ngritur shqetësime për përfshirjen e aktorëve të huaj në këtë incident, shkruan Arbresh.info.

Sipas tij, të arrestuarit janë të lidhur me organizatën “Mbrojtja Civile,” e cila financohet dhe mbështetet nga Beogradi.

Kryeministri Kurti ka theksuar se armët dhe eksplozivët e sekuestruar përfshinin shenja ushtarake që lidhen kryesisht me forcat serbe dhe ruse, duke përmendur veçanërisht Forcat Ajrore Ruse (VDV).

“Shumica dërrmuese e tyre i përkisnin Forcave të Armatosura Serbe dhe Ruse, si Forcave Ajrore Ruse (VDV). Lidhjet e personave të arrestuar me organizatën terroriste “Mbrojtja Civile” e sponsorizuar nga Beogradi tregojnë praninë e aktorëve të huaj”, ka shkruar ai.

Shefi i qeverisë gjithashtu rikujtoi aktivitetet paramilitare serbe në veri të Kosovës vitin e kaluar dhe sponsorizimin e vazhdueshëm të krimit nga Serbia si një faktor kryesor destabilizues.

“Natyrisht, ngjarjet terroriste nuk ndodhin në vakum. Në këtë kontekst, inkursioni paraushtarak i Serbisë vitin e kaluar dhe sponsorizimi i vazhdueshëm i krimit përmes metodave të ndryshme në veri të Kosovës lë pak hapësirë ​​për spekulime”, u shpreh Kurti.

Mes të tjerash ai theksoi se hetimet janë ende në vazhdim dhe se do të publikohen detaje të mëtejshme për përfshirjen e aktorëve të huaj.

“Megjithatë, hetimi është në vazhdim, dhe detaje të mëtejshme – së bashku me numrin e palëve të huaja të përfshira – do të zbulohen”, ka shkruar Kurti./Arbresh.info/

Following the terrorist attack on Friday evening, among the seized arms and explosives, military insignia pictured were also found. The vast majority of these belonged to Serbian and Russian Armed Forces, such as the Russian Airborne Forces (VDV). The links of the arrested… pic.twitter.com/hG21doew0l

— Albin Kurti (@albinkurti) December 2, 2024