Amorim merr fitoren e parë në Premier League nën drejtimin e Man Unitedit

16:33 | 1 Dhjetor 2024
D.H

Manchester United ka arritur të shënoj një fitore të thellë ndaj Evertonit në kuadër të xhiros së 13-të në Premier League, me rezultat 4-0.

Gjithçka nisi mirë për “Djajtë e Kuq”, kur në minutën e 34-të, Rashfordi realizoi për 1-0, shkruan Arbresh.info.

Shtatë minuta më vonë, Zirkzee dyfishoi epërsinë. Me këtë rezultat u mbyll edhe pjesa e parë.

Ndërsa me të filluar etapa e dytë, Rashfordi shënoi golin e dytë personal kurse të tretin për skuadrën e tij.

Zirkzee i dha epilogun final kësaj ndeshje me një gol tjetër në minutën e 64-të.

Deri në fund gola nuk pati kështu, Manchester United arkëtoi tre pikët e radhës në elitën e futbollit anglez dhe gjithashtu shënoi fitoren e parë nën drejtimin e Amorimit në këtë kompeticion.

Tashmë kur kanë përfunduar 13 xhiro për “Djajtë” ndodhen në pozitën e nëntë me 19 pikë, teksa Evertoni ka mbetur i 15-ti me 11 sosh./Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm