Google ADS

Përmbyset anija në Nigeri, vdesin 50 persona

14:49 | 1 Dhjetor 2024
E.H

Një ngjarje tragjike ndodhi në lumin Niger, ku një anije që kishte mbi 200 pasagjerë në bord u fundos, duke shkaktuar të paktën 50 viktima në Nigeri.

Deri tani janë shpëtuar 24 persona, disa prej të cilëve po marrin kujdes shëndetsor në spital, por dhjetëra të tjerë mund të jenë të zhdukur.

Ky është aksidenti i tretë i anijeve në Nigeri brenda 60 ditëve të fundit në rrugët ujore të brendshme të vendit. Pavarësisht rekomandimeve për siguri, rregullat rrallë ndiqen dhe pak njerëz ngarkohen me përgjegjësitë.

Anija po lundronte nga shteti Kogi, në qendër të Nigerisë, në një treg javor në shtetin fqinj Niger kur ndodhi aksidenti.

Tregtarët dhe punëtorët e fermerëve mendohet të kenë qenë mes pasagjerëve.

Shkaku i aksidentit nuk është i qartë, por dyshohet se udhëtarët nuk kishin veshur jelekët shpëtimi. Guvernatori i shtetit Kogi ka kërkuar që të respektohen rregullat e sigurisë për të shmangur ngjarje të tilla në të ardhmen. /abcnews.al

Shpërndaje në rrjete sociale

Lajmet më të lexuara

Të ngjashme

Foto lajm