Suhareka e para në Kosovë me platformë për aplikimin online të lejeve ndërtimore

14:49 | 15 Nëntor 2024
Q L

Komuna e Suharekës ka njoftuar se ka lansuar platformën e parë elektronike në Kosovë dhe rajon për aplikimin online të lejeve ndërtimore.

Kryetari i kësaj komune, Bali Muharremaj, prezantoi këtë risi si pjesë të digjitalizimit të Planit Zhvillimor Komunal dhe Hartës Zonale.

“Suhareka është e para që po implementon këtë platformë moderne, duke e bërë procesin më të thjeshtë dhe të qasshëm për qytetarët,” tha Muharremaj përmes një postimi në rrjetet sociale.

Kjo iniciativë synon të lehtësojë procesin e pajisjes me leje ndërtimi, duke e bërë atë më efikas dhe transparent.

Përmes kësaj platforme, qytetarët e Suharekës mund të aplikojnë dhe ndjekin statusin e lejeve ndërtimore online, kësisoj duke shmangur procedurat burokratike tradicionale./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm