Ministri i Mbrojtjes, Ejup Maqedonci ka pritur sot në takim deputeten e parlamentit të Suedisë, Helena Bouveng.
Me anë të një postimi në Facebook, Maqedonci thotë se kanë diskutuar për situatën e përgjithshme të sigurisë në Kosovë e rajon, por edhe atë në Suedi.
“Sot prita në Ministrinë e Mbrojtjes deputeten e Parlamentit të Suedisë, znj. Helena Bouveng, e shoqëruar nga Ambasadori i Suedisë në Kosovë, z. Jonas Westerlund. Bashkërisht patëm rastin që të diskutojmë e shkëmbejmë informacione e vlerësime për situatën e përgjithshme të sigurisë në Kosovë e rajon, por edhe atë në Suedi, veçanërisht pas anëtarësimit të këtij vendi në NATO. Gjithashtu diskutuam për luftën në Ukrainë dhe rëndësinë e mbështetjes së Ukrainës. Në këtë kontekst e informova znj. Bouveng për kontributin e vendit tonë në kuadrin e mbështetjes që i ofrohet Ukrainës”, shkruan Maqedonci.
Siç potencon ministri, Bouveng ka shprehur vullnetin e saj që nga pozicioni i anëtares së komitetit të mbrojtjes së Parlamentit të Suedisë të kontribuojë në thellimin e marrëdhënieve dhe bashkëpunimit në fushën e mbrojtjes ndërmjet dy vendeve tona./Arbresh.info/
OBSH ngre alarmin: Rriten me mbi 200% rastet e fruthit në Ev...
Rrahjet e zemrës nga kafja – A duhet të shqetësoheni?
Pse Xheneta nuk mund të bëjë debate pa ofendime? Ja arsyetim...
Vinicius Junior ka humbur penalltinë ndaj Venezuelës
Si e kupton paracetamoli ku është dhimbja?
FBI zbulon një përpjekje të gjerë për spiunazh nga hakerat k...