Haradinaj: Nderojmë guximin dhe sakrificën e veteranëve të luftës së ShBA-ve

21:34 | 11 Nëntor 2024
E.H

Kryetari i Aleancës për Ardhmërinë e Kosovës, Ramush Haradinaj ka nderuar veteranët e luftës së SHBA-së me rastin e 11 nëntorit, Ditës së Veteranëve.

Me anë të një postimi në Facebook, Haradinaj theksoi se populli i Kosovës mbetet përjetësisht mirënjohës për shërbimin e tyre, përcjell Arbresh.info.

“Me rastin e 11 Nëntorit – Ditës së Veteranit, nderojmë guximin dhe sakrificën e veteranëve të luftës së Shteteve të Bashkuara të Amerikës. Populli i Kosovës mbetet përjetësisht mirënjohës për shërbimin e tyre, një shërbim që kontribuoi për lirinë dhe paqen në botë, dhe që ndihmoi në realizimin e ëndrrës tonë shekullore për liri”, ka shkruar Haradinaj.

“Si popull që aspiron lirinë, Kosova, e ndërtuar mbi sakrificën dhe flijimin, qëndron përkrah aleatit të përjetshëm, Amerikës. Në këtë rrugëtim të përbashkët, synojmë të anëtarësohemi direkt në NATO përmes Planit Aksional, për t’u shndërruar në garantues të paqes e sigurisë”, tha Haradinaj./Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm