Policia e Kosovës ka arrestuar një person të dyshuar për shitje të substancave narkotike.

Sipas njoftimit, pas pranimit të informacioneve dhe verifikimit të tyre se një person është duke u marrë me shitje të substancave narkotike, ai është ndaluar derisa ishte duke u kthyer në shtëpi me veturën e tij, shkruan Arbresh.info.

“Antidroga e Policisë së Kosovës – Sektori Qendror për Hetimin e Narkotikeve pas pranimit të informacioneve inteligjente dhe verifikimit të tyre se një person i dyshuar është duke u marr me shitje të substancave narkotike, me datë 07.11.2024 ora 13:30, ka përgatitur dhe realizuar planin taktik “TREGU” me ç ‘rast ka ndaluar personin e dyshuar derisa ishte duke u kthyer në shtëpi me veturën e tij.”, thuhet në njoftim.

Policia bën të ditur se operacioni i bastisjes është realizuar në koordinim me Prokurorinë Themelore Departamenti i Krimeve të Rënda në Prishtinë, ku është bërë edhe kontrollimi i veturës, shtëpisë dhe objekteve përcjellëse te të dyshuarit.

Gjate bastisjes në cilësinë e provave materiale janë gjetur dhe sekuestruar dëshmitë si ne vijim:

 166.95 gramë substancë e dyshuar narkotike e llojit mMarihuanë,
 Qese te plastikes (që shërbejnë për paketimin e substancës narkotike) dhe
 Një (1) telefon mobil

I dyshuari është intervistuar në prezencë të avokatit mbrojtës dhe me vendim të prokurorit të shtetit ndalohet për 48 orë për proceduar të mëtejme ligjore./Arbresh.info/