KQZ njofton me afatet për aplikimin e vëzhguesve për zgjedhje

11:49 | 7 Nëntor 2024
E.K

Komisioni Qendror i Zgjedhjeve ka shpallur afatet për aplikimin për akreditimin e vëzhguesve dhe mediave për zgjedhjet e 9 shkurtit.

Sipas njoftimit të KQZ-së, më 22 dhjetor 2024 do të nisë periudha për aplikimin e vëzhguesve të subjekteve politike që do të certifikohen për pjesëmarrje në zgjedhje, e cila do të mbyllet më 15 janar 2025.

Për aplikimin e vëzhguesve nga organizata jo-qeveritare, qeveritare, ndërqeveritare, organizata ndërkombëtare dhe përfaqësuesve të shteteve të huaja, afati do të fillojë më 11 janar dhe do të përfundojë më 25 janar.

Ndërkaq, aplikimi për vëzhgues nga mediet vendore dhe ndërkombëtare do të hapet më 21 janar dhe do të mbyllet më 4 shkurt, pesë ditë para zhvillimit të zgjedhjeve për Kuvendin e Kosovës./Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm