Haradinaj: Është fundi i garës sime në politikë

19:39 | 4 Nëntor 2024
E.G

Kandidati i AAK-së për kryeministër, Ramush Haradinaj ka paralajmëruar se rrugëtimi i tij politikë është drejt fundit.

Në emisionin “Dpt te Fidani”, Haradinaj tha se ka shërbyer për 40 vjet, e me anëtarësimin në NATO, ‘do të jemi rehat’, njofton Klankosova.tv.

“Është fundi i garës sime në politikë, pra do të mbyllet gara. Unë mendoj se ajo puna ime, se çdo njeri e ka kohën e shërbimit, edhe pse nuk jam aq i vjetër, i bëj 57 vjet, por kam 40 vjet shërbim në tema të zorshme, përgatitja për luftë, lufta, proceset tjera, burgjet, deri këtu mendoj se me NATO jemi rehat”, tha Haradinaj.

Po ashtu, i pyetur se kush do të jetë në krye të AAK-së pas tij, Haradinaj thotë se të gjithë.

“Të gjithë, të gjithë janë legjitim, Aleanca ka shumë njerëz të mirë, që nga nënkryetari i parë zoti Gjini, e të gjithë të tjerët janë të mirë.”

Shpërndaje në rrjete sociale

Lajmet më të lexuara

Të ngjashme

Foto lajm