PSHDK pjesë e listës së LDK-së në zgjedhjet e 9 shkurtit

14:28 | 3 Nëntor 2024
E.H

Partia Shqiptare Demokristiane e Kosovës do të jetë pjesë e listës së Lidhjes Demokratike të Kosovës në zgjedhjet parlamentare të 9 shkurtit.

Kështu njoftoi kreu i LDK-së, Lumir Abdixhiku këtë të dielë e kaloi në Gjakovë.

“Këtë të diel, qëndrova në Gjakovë, mes demokristianëve të PSHDK-së, në Kuvendin e tyre të XI zgjedhor. I urova delegatët për punimet e Kuvendit; dhe ritheksova e rikujtova bashkëpunimin e ngushtë që subjektet tona kanë patur në tre dekada e gjysmë veprim. Në vizionet e Presidentit Rugova e bashkëpunëtorit të tij të ngushtë Akademik Mark Krasniqit, gjejmë dhe udhërrëfimin tonë të ardhshëm; të një Kosove të pavarur e sovrane, të anëtarësuar në NATO e Bashkim Evropian e me miqësi të përhershme me Shtetet e Bashkuara të Amerikës. PSHDK, në zgjedhjet e 9 shkurtit, do të jetë pjesë e listës së LDK-së, duke i dhënë të djathtës sonë gjithë mbështetjen e nevojshme”, shkroi Abdixhiku./Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm