Shqipëri – Çeki, shiten të gjitha biletat

15:39 | 30 Tetor 2024
L G

Biletat e ndeshjes Shqipëri – Çeki, e vlefshme për grupin B1në Ligën e Kombeve janë shitur të gjitha.

Stadiumi “Air Albania” do të jetë edhe këtë herë i mbushur me tifozë shqiptarë, në mbështetje të kombëtares kuqezi.

“Interesimi për të ndjekur ndeshjen Shqipëri – Çeki ka qenë i lartë dhe Federata e Futbollit dëshiron të falënderojë të gjithë tifozët e Kombëtares që kanë vendosur të jenë të pranishëm në stadiumin ‘Air Albania’ më 16 nëntor, në mbështetje të ekipit tonë kombëtar dhe i fton të krijojnë një atmosferë të ngrohtë, pozitive dhe të tregojnë qytetari dhe respekt përmes një sjelljeje korrekte ndaj ekipit kundërshtar”, thuhet në njoftimin e FSHF-së.

Njëkohësisht, Federata e Futbollit Shqiptare sipas këtij njoftimi, falënderon edhe të gjithë ata tifozë të cilët nuk mundën të pajiseshin me bileta për këtë ndeshje dhe i fton të vazhdojnë ta mbështesin Kombëtaren shqiptare.

Shpërndaje në rrjete sociale

Lajmet më të lexuara

Të ngjashme

Foto lajm