Gjuajtje me armë në Prishtinë, nuk ka të plagosur

22:36 | 24 Tetor 2024
E.G

Në orët e mbrëmjes së sotme në Prishtinë ka pasur gjuajtje me armë zjarri.

Lajmin për Arbresh.info e ka konfirmuar zëdhënësja e policisë për rajonin e Prishtinës, Florie Ahmeti e cila tha se nuk ka të lënduar nga arma e zjarrit.

“Sot rreth orës 21:00, policia ka marrë informatën për të shtëna me armë në rrugën Rrahim Beqiri Prishtinë. Menjëherë pas marrjes së informatës policia ka dalë në vendin e ngjarjes  dhe ka ndërmarrë të gjitha veprimet e nevojshme që konsistojnë në hetimin e rrethanave që karakterizojnë ngjarjen.”, ka thënë ajo.

Ahmeti theksoi se policia është në kërkim të personave të dyshuar të cilët, siç tha ajo, janë identifikuar nga ana e policisë.

“Hetuesit policor në koordinim me prokurorinë, ndërmarrin  veprimet hetimore për ndriçimin e plotë të rastit dhe janë në kërkim të personave  të dyshuar të cilët janë identifikuar nga ana e policisë.”, ka thënë ajo./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm