Google ADS

Zv/ministri i Drejtësisë padit Abelard Tahirin për shpifje

14:52 | 24 Tetor 2024
E.H

Zëvendësministri i Drejtësisë, Vigan Qorrolli, ka bërë të ditur se sot ka dorëzuar padi në Gjykatën Themelore në Prishtinë kundër Shefit të GP të PDK-së, Abelard Tahiri për shpifje.

Kështu ka bërë të ditur Qorrolli me anë të një postimi në Facebook.

“Sot, në Gjykatën Themelore në Prishtinë, i shoqëruar nga avokati im, Genc N. Kadriu, e kam dorëzuar padinë për shpifje, ndaj Abelard Tahirit, shefit shpifës të Grupit Parlamentar të PDK-së. Çapaçuli shpifës do duhet t’i tregojë tashmë gjykatës dhe përmes saj tërë opinionit publik sesi unë jam propozuar për gjyqtar nga benjaminët e tij politik të bashkëqeverisjes. I ftoj mediat që ta përcjellin ditëve në vijim seancën gjyqësore me rastin e caktimit të masës së sigurisë për ndalimin e shpifjeve kundrejt personit tim nga një shpifës ordiner si i padituri në fjalë”, ka shkruar Qorrolli./Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm