Festivali i këngës së RTK-së po bën përgatitjet e fundit për edicionin e dytë dhe i cili do të fillojë nesër. Për t`i parë nga afër përgatitjet, aty qëndroi për disa momente kryetari i Prishtinës, Përparim Rama.
Gjithçka po bëhet gati për skenën madhështore në Festivalin e Këngës në Radiotelevizionin e Kosovës. Konkurrentët, orkestra e stafi përgjegjës po i bëjnë provat e fundit një ditë para nisjes së Fest 2024.
Një ditë para nisjes së edicionit të dytë, aty qëndroi edhe kryetari i Prishtinës, Përparim Rama. Nuk kam dyshim se yje botërore do të dalin, e që zhvillohen këtu. Ky set-up tash pak më ndryshe se vitin e kaluar mendoj se është edhe më mirë, është përparim. E krijon një ndërlidhje me publikun, performanca do të jetë shumë më afër qytetarëve që do të jenë pjesë e këtij festivali të mrekullueshëm”, tha Përparim Rama, kryetar i Prishtinës.
Drejtori i Televizionit, Rilind Gërvalla, thotë se RTK po angazhohet që vitin e ardhshëm Kosova të marrë pjesë në Evrovizion.
“Këtë herë kam parë artistë të rinj zëra të mrekullueshëm që nuk i kisha dëgjuar më parë, nuk dua të ngutem por do të jetë një festival i përmasave të Evrovizionit. Vështirësitë e RTK-së janë më shumë financiare se sa të stafit profesionale, por me ndihmën e institucioneve shtetërore dhe atyre lokale, sikurse është Pallati Rinisë, Komuna dhe MKRS, ne ia dolëm që këtë herë t’a realizojmë festivalin siç i ka hije kryeqytetit siç i ka hije Kosovës”, tha Rilind Gërvalla, drejtor i RTK-së.
Në vendin ku po mbahet për të herë të dytë Festivali, RTK ka vazhduar bashkëpunimin me Menaxhmentin e Pallatit të Rinisë, pikërisht në sallën e djegur më shumë se dy dekada.
“Edhe ne jemi të lumtur që edhe këtë vit jemi bashkëorganizator të festivalit e cila ka një renome dhe qëndrim në aspektin që ne i shërbejmë qytetarëve, së bashku me të gjithë bashkëpunëtorët e pallatit kemi qenë në vullnetin më të mirë të jemi si bashkë organizator të festivalit të këngës”, tha Mrika Gashi, Kryeshefe e Pallati i Rinisë.
Festivali i Këngës nis të enjten mbrëma dhe transmetohet drejtpërdrejtë në RTK.
Pse këto dy shenja të horoskopit janë gjithmonë në qendër të...
Përfshihet nga zjarri një banesë në Fier
Barça deklason Bayern, Atletico bie nga Lille, Inter fiton m...
Mbretëri e Bashkuar, vdekjet nga kokaina u rritën 30%
Mbrojtja Civile e Gazës thotë se tre punëtorë të saj u plago...
“Prishet miqësia”, përplasje e fortë mes Vullnetit dhe Gresë...