Ancelotti: Vinicius do ta fitojë Topin e Artë

09:27 | 23 Tetor 2024
D.H

Real Madridi mbrëmë bëri një rikthim senzacional ndaj Dortmundit ku nga disavantazhi prej dy golave, në fund të ndeshjes triumfoi me rezultat 5-2.

Padyshim lojtari kryesor në këtë ndeshje ishte Vinicius Jr, i cili realizoi hattrick, shkruan Arbresh.info.

Pas ndeshjes fjalë të mëdha për yllin brazilian pati edhe trajneri italian, Carlo Ancelotti.

“Vinicius do ta fitojë atë [Topin e Artë 2024], por jo për atë që bëri sonte, por për atë që bëri sezonin e kaluar. Këto tre gola kundër janë tashmë për Topin e Artë të vitit të ardhshëm”, përfundoi trajneri italian.

Futbollisti brazilian është padyshim një ndër pretendentët kryesor për të fituar Topin e Artë së bashku me bashkëlojtarin e tij, Jude Bellingham.

Fituesi i Topit të Artë për këtë vit mbahet me datë 28 tetor.

Deri më tani, Vini ka realizuar tetë gola në 14 ndeshjet e para të këtij sezoni në të gjitha kompeticionet./Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm