Forca e Sigurisë së Kosovës ka njoftuar se nga nesër (e hënë) e për katër ditët në vijim, do të fillojnë testimet për kandidatët që kanë aplikuar për ushtar aktiv në ushtrinë e Kosovës.
Për 300 vende të hapura kanë aplikuar 1658 kandidat, ndërsa testimet do të mbahen në Kazermën “Skënderbeu” në Ferizaj.
Siç thuhet në njoftim, grupi i parë i kandidatëve për këtë test duhet të paraqiten në kazermë jo më vonë se ora 07: 30 minuta, ndërsa grupi i dytë jo më vonë se ora 11: 30 minuta.
Testimi i kandidatëve për ushtarë të Forcës së Kosovës do të bëhet në tri disiplina: pompa, barkore e vrapim.
Kandidatët që do t’i nënshtrohen testit rekomandohet që të jenë të hidratuar 24 orë para fillimit të testimit fizik.
Ndërkohë të gjithë kandidatët e ftuar në ditën e testimit duhet të kenë me vete kodin e aplikimit, letërnjoftimin apo dokument identifikimi ndërsa kandidatët e ftuar në ditën e testimit duhet të paraqiten me veshje sportive.
Brenda katër viteve FSK-ja ka hapur katër konkurse për pranimin e ushtarëve dhe katër të tjerë për pranimin e kadetëve.
Numri total i të rekrutuarve në Forcën e Sigurisë së Kosovës përgjatë periudhës 2021-2024 ka arritur në 2271, duke dyfishuar kështu pothuajse numrin total të ushtarakëve të FSK-së./Arbresh.info
Vullneti debaton me Rezartin: Si Gold AG, je i obsesionuar m...
AGK-ja themelon Rrjetin e Grave Gazetare të Kosovës
Lirohet nga paraburgimi njëri nga ish-administratorët e “Alb...
KQZ me njoftim të rëndësishëm për votuesit që regjistrohen j...
Hamza në Podujevë, premton vende pune dhe rritje pagash
O’Brien: Themelimi i Asociacionit, hap i rëndësishëm