Kryeministri i Republikës së Kosovës, Albin Kurti, mirëpriti Drejtorin Politik të Ministrisë së Punëve të Jashtme të Gjermanisë, Günter Sautter, që në takim u shoqërua nga Ambasadori i Gjermanisë në Kosovë, Jörn Rohde.
Kryeministri e falënderoi z. Sautter për vizitën dhe shprehu mirënjohjen e tij për ndihmën dhe mbështetjen diplomatike, ushtarake dhe ekonomike të Gjermanisë e cila ka qenë thelbësore për çlirimin, pavarësimin dhe ndërtimin e zhvillimin e vendit tonë.
U bisedua për rezultatet e Procesit të Berlinit, përfshirë gjashtë takimet ministeriale, dhe vlerësuam si arritje të rëndësishme marrëveshjen e re për Qasjen në Arsimin e Lartë dhe Deklaratën për Planin e Veprimit të Tregut të Përbashkët Rajonal (CRM) 2025–2028.
Gjatë takimit u diskutua për forcimin dhe thellimin e marrëdhënieve bilaterale ndërmjet Republikës së Kosovës dhe Gjermanisë, si dhe për bashkëpunimin rajonal, dialogun në Bruksel dhe integrimet euro-atlantike.
Kryeministri e uroi z. Sautter për pozitën e re në Ministrinë e Punëve të Jashtme dhe i ofroi bashkëpunimin e plotë në avancimin e agjendës së përbashkët në mbrojtjen dhe avancimin e demokracisë dhe lirive themelore./Arbresh.info
Pacolli: Me kërkesë të Kurtit e Osmanit, ia kërkova votat Ra...
Policia thotë se ka gjetur ‘çrregullim total’ në dhomën e ho...
Biden: Me vrasjen e Sinwar, është një ditë e mirë për Izrael...
Përplasjet në Kuvend e Shqipërisë, reagon Spiropali: S’na im...
“Nuk mund ta këndoj këtë tani”, Rita Ora emocionohet teksa k...
SHBA-ja sanksionon kompanitë kineze të dronëve