Kosova është përfituesi më i madh në rajon nga Fondi i Garancisë për Ballkanin Perëndimor të BE-së dhe KfW në Mbështetje të Qëndrueshmërisë së Ndërmarrësve dhe Ndërmarrjeve të Vogla dhe të Mesme.
Kështu ka bërë të ditur Zyra e BE-së në Kosovë me anë të një postimi në Facebook, teksa mes tjerash thuhet se kjo garanci kreditore është thelbësor për rritjen e ekonomisë së Kosovës
Mes tjerash në njoftim theksohet se qëllimi i kësaj nisme është të mundësojë përshkallëzimin e investimeve në fusha që kontribuojnë drejtpërdrejt në zhvillimin e qëndrueshëm socio-ekonomik dhe integrimin rajonal, në veçanti duke rritur konkurrencën e rajonit dhe krijimin e vendeve të punës.
“Urime Fondit Kosovar të Garancisë Kreditore që na është bashkuar në këtë përpjekje jetike duke nënshkruar marrëveshjen prej 22,1 milionë euro! Roli juaj në shpërndarjen e këtyre fondeve të garancisë kreditore është thelbësor për rritjen e ekonomisë së Kosovës. Kjo nismë është bashkëfinancuar nga Bashkimi Evropian dhe qeveria gjermane nëpërmjet Bankës për Zhvillim KfW”, u tha në njoftimin e Zyrës së BE-së në Kosovë./Arbresh.info
Astronautët do të vishen me Prada, uniforma të reja për misi...
Policia bastis një shtëpi në Mitrovicë, konfiskon armë- push...
Çfarë mendojnë shqiptarët për liderët e rinj?
“Ai e meriton Topin e Artë më shumë se kushdo tjetër” – Mess...
Franca ndalon kompanitë izraelite të marrin pjesë në panairi...
Hulumtimet thonë se të kesh një motër rrit vetëbesimin dhe n...