Sagnol pas humbjes nga Shqipëria: Jam i zhgënjyer me lojën dhe rezultatin

22:42 | 14 Tetor 2024
D.H

Shqipëria ka mposhtur Gjeorgjinë në Tbilisi me rezultat minimal 0-1.

Trajneri i Gjeorgjisë, Wlliy Sagnol, pas kësaj ndeshje ka deklaruar se ishte i zhgënjyer me lojën dhe rezultatin në fundin e ndeshjes.

“Ndonjëherë pas një dështimi, ne duam të shohim gjithçka negativisht. Nga këndvështrimi im, ne kontrolluam topin dhe patëm disa raste për të shënuar. Sot vendosa një formacion shumë sulmues, sepse kundërshtari e luante topin nga mbrojtja. Mendoj se lojtarët e mi nuk kishin nevojë të mësoheshin me taktikat, por ne gabuam në pasimin e fundit dhe nuk mundëm të shfrytëzonim rastet e shënimit. Jam i zhgënjyer dhe i trishtuar. Shpresoj t’i korrigjojmë gabimet. Jam i zhgënjyer me lojën dhe rezultatin”, tha ai ndër të tjera.

Gjeorgjia pësoi humbjen e dytë radhazi në Ligën e Kombeve, pasi u mposht tri ditë më parë nga Ukraina me po të njëjtin rezultat sikur sonte./Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm