Italia, Britania, Franca dhe Gjermania bëjnë thirrje për t’i dhënë fund sulmeve ndaj UNIFIL

20:42 | 14 Tetor 2024
E.H

Sulmet izraelite ndaj misionit paqeruajtës të Kombeve të Bashkuara në Liban (UNIFIL) janë kundër ligjit ndërkombëtar humanitar dhe duhet të ndalen menjëherë, thanë në një deklaratë të përbashkët këtë të hënë Italia, Britania, Franca dhe Gjermania.

Të katër vendet përsëritën se UNIFIL ka luajtur një “rol thelbësor stabilizues” në Libanin jugor, duke shtuar se Izraeli dhe palët e tjera duhet të garantojnë sigurinë e paqeruajtësve në çdo kohë.

Forca paqeruajtëse UNIFIL, e cila përfshin qindra trupa evropiane, ka thënë se është sulmuar vazhdimisht nga ushtria izraelite ditët e fundit. Izraeli i ka kërkuar OKB-së që të largojë Helmetat Blu nga zona pasi ka shënjestruar forcat e Hezbollahut./abcnews.al

Shpërndaje në rrjete sociale

Lajmet më të lexuara

Të ngjashme

Foto lajm