Google ADS

Tuneli i Llogarasë në Shqipëri do të mbyllet, kalimi veç përmes Qafës

21:05 | 13 Tetor 2024
E.H

Tuneli i Llogarasë në Shqipëri i cili u hap në korrrik, do të jetë në funksion të qarkullimit të mjeteve deri në fund të tetorit.

Burime zyrtare nga Autoriteti Rrugor për vizionplus.tv bënë me dije se nga 1 nëntori, mjetet do të lëvizin vetëm nga Qafa e Llogarasë.

Për tre muaj në këtë tunel kanë kaluar 715 mijë automjete, tregojnë të dhënat.

Sikurse ishte thënë edhe më herët, tuneli do të ishte i hapur vetëm gjatë sezonit veror, për t’i dhënë një shfryrje trafikut drejt plazheve të jugut.

Punimet në tunel nuk konsiderohen të përfunduara, ndërsa afati final sipas kontratës është muaji dhjetor. Ndërsa nga viti tjetër, lëvizja do të jetë me pagesë, 5 euro për një kalim.

Shpërndaje në rrjete sociale

Lajmet më të lexuara

Të ngjashme

Foto lajm