Zëvendëskryeministri i Malit të Zi, Milun Zogoviq, ka thënë se nuk e ka ndryshuar qëndrimin e tij me futjen në Qeveri se “Kosova është krahina jugore të Serbisë”.
“Sa i përket obligimeve ndërkombëtare të Malit të Zi, gjithçka do të respektohet, por unë kam mendimin tim se Kosova është pjesë e Serbisë e shkëputur qëllimisht. Atë qëndrim e kam shprehur në Kuvend, pak ditë para se të hyja në Qeveri. Asgjë nuk ka ndryshuar për mua”, është treguar kategorik Zogoviq, transmeton Telegrafi.
Duke komentuar deklaratat e bëra në konferencën në Tivar nga presidenti i Serbisë, Aleksandar Vuçiq, Zogoviq tha në “Aplus” se një pjesë e argumentit për Kosovën, që ka të bëjë me Malin e Zi, janë të sakta.
“Narrativi se gjithçka që është e gabuar vjen nga Beogradi është mjeti politik i DPS (Partisë Demokratike Socialiste), i cili është i pakuptimtë, por ata ende insistojnë në atë. Këto janë shumë tema dhe histori “të çuditshme” që bazohen në një platformë anti-serbe. Kjo vetëm sa i thellon ndarjet dhe të gjitha këto histori vazhdimisht ushqehen nga sulmet ndaj Vuçiqit”, beson ai.
Sipas tij, Serbia dhe Mali i zi duhet të ndërtojnë marrëdhënie të qëndrueshme dhe afatgjata të bazuara në respektin reciprok.
Kungulli – Super perimja e verdhë e vjeshtës
Agjencia iraniane: Teherani dërgon dy satelitë në Rusi, për ...
Sulmet izraelite në Liban vrasin 9 persona, përfshirë në një...
Opozita në kryeqytet kritikon ekzekutivin, për mosrealizim t...
“L’Equipe”: Zhegrova e rikthen imazhin e tij në Kosovë pas p...
Gjendet pa shenja jete një 55-vjeçare në Pukë