Zyrtarët e Ministrisë së Tregtisë dhe Industrisë (MTI), lejojnë që trupa inspektuese KPU Inspekt-in, kompani e cila bënë verifikimin e konformiteteve të cilësisë së karburanteve të naftës në pikat kufitare të veproi pa autorizim.

Në rastet kur një trupë inspektuese e verifikimit i skadon autorizimi, do të duhej që kryeinspektori i MTI-së në bazë të përgjegjësisë të njoftoi Doganën e Kosovës se trupa në fjalë nuk ka autorizim dhe si e tille certifikatat e saj nuk janë valide.

Sipasburimeve të KosovaPress brenda Doganës së Kosovës, MTI nuk e ka njoftuar Doganën për skadimin e autorizimit të trupës inspektuese KPU Inspekt. Për këtë çështje, zyrtarët e MTI-së përmes përgjigjeve elektronike kanë pranuar se kësaj trupe i ka kaluar autorizimi, por që në përgjigje nuk kanë treguar pse lejohet të ushtroi veprimtarinë.

“KPU Inspekt është një trup për verifikimin e konformiteteve, e cila ka qenë e autorizuar nga MTI që të ushtroj veprimtarinë e saj deri më 19 dhjetor 2015. KPU Inspekt ka parashtruar kërkesën e saj për vazhdimin e Autorizimit, brenda afatit te caktuar ligjor. Komisioni për vlerësimin e kushteve për dhënien e propozimit për Autorizim te Trupave për Vlerësim të Konformitetit për cilësinë e karburanteve të lëngëta të naftës (i cili është formuar nga ish-ministrat e MTI-së në mandatin e kaluar qeverisës, fillimisht më datën 28.06.2012, dhe i ndryshuar më datat 06.05.2014 dhe 06.11.2014) e ka shqyrtuar dokumentacionin e aplikuesit për vazhdim të autorizimit dhe ka vlerësuar se operatori ekonomik nuk kishte sjellë dokumentacionin e nevojshëm bazuar në U.A.16/2011 për mënyrën e autorizimit të Trupave për Vlerësim të Konformitetit, si dhe U.A. nr.07/2012 për Cilësinë e Karburanteve të Lëngëta të Naftës”, thuhet në përgjigjen elektronike të MTI-së.

Po ashtu, sipas përgjigjeve të MTI-së, komisioni, ka rekomanduar që KPU Inspekt t’i vazhdohet autorizimi vetëm deri më datën 31.12.2015 pasi që gradacioni bankar i dorëzuar nga aplikuesi ka pasur vlefshmëri deri në këtë datë.

”Bazuar në U.A. 07/2012 për Cilësinë e Karburanteve të Lëngëta të Naftës, kohëzgjatja e Autorizimit nuk mund të jetë më e shkurtër se një vit, prandaj Ministrja e MTI-së nuk ka mundur të veprojë në bazë të rekomandimit të Komisionit. Rasti i aplikimit të këtij operatori për vazhdim të autorizimit është në shqyrtim dhe MTI do të veprojë në pajtim me ligjet në fuqi”, thuhet në përgjigjen e MTI-së.

Lirije Karaxha-Pula, përfaqësuese nga KPUInspekt, në një prononcim për KosovaPress, i ka ikur pyetjes se pse kompania që përfaqëson ajo, vazhdon të punojë pa autorizim. Ajo ka insistuar që të tregoi se i kanë dorëzuar të gjitha dokumentet të cilat i ka kërkuar komisioni.

Karaxha-Pula: Ne jemi nën autorizim

Video:

“Për këtë çështje duhet të pyetni Ministrinë e Industrinë. KPU Inspekt sipas Udhëzimit Administrativ, një muaj para se me skaduar afati bënë kërkesë për vazhdimin e autorizimit. Ne iu kemi përmbajtur t? ? gjitha afateve të mundshme edhe kemi paraqit kërkesën më 18 nëntor të vitit 2015…Me vetë faktin që ne jemi të akredituar edhe sigurimi mbi përgjegjësin çdoherë e kemi plotësuar ose me policë ose garanci bankare është pranuar…Ata kanë vlerësuar ashtu që ne i plotësojmë të gjitha kushtet, prandaj nuk kanë ndërmarrë kurrfarë mase për me na ndërprerë vazhdimin e autorizimit. Jemi në pritje të autorizimit. Besoj që këto ditë merret… Vazhdojmë për arsye se jemi nën autorizim”, tha Karaxha-Pula.

Ndryshe, sektori i derivateve të naftës mbetet vrimë e zezë në vend. Kjo pasi ka shumë trupa inspektuese si dhe të konforimitetit të cilat bëjnë kontrollin e origjinës së mallit, vërtetësisë dhe cilësisë, por që cilësia vazhdon të jetë e pandryshuar dhe pa rezultate pozitive.