Presidentja e Republikës së Kosovës, Vjosa Osmani, ka pritur sot në takim Zëvendës Ndihmës Sekretarin e SHBA-ve për Ballkanin Perëndimor, Alexander Kasanof.
Sipas njoftimit, në takim u diskutua për forcimin e mëtejshëm të aleancës me Shtetet e Bashkuara të Amerikës, si dhe për rëndësinë e bashkëpunimit të ngushtë për t`i përmbushur synimet e përbashkëta strategjike, shkruan Arbresh.info.
Osmani shprehu mirënjohjen e saj të thellë për përkrahjen e vazhdueshme të SHBA-ve ndaj Kosovës, duke shtruar nevojën e dialogut strategjik me SHBA-në, si një hap i rëndësishëm në fuqizimin e partneritetit, kërkesë kjo që ka vite që është përcjellë nga Presidentja Osmani.
Në këtë kontekst, ajo nënvizoi rëndësinë e anëtarësimit të Kosovës në NATO, duke potencuar se një Kosovë e integruar në Aleancën Veri-Atlantike forcon sigurinë e vendit, por kontribuon edhe në stabilitetin e rajonit.
Në takimin me Kasanof, Osmani diskutoi edhe për mundësinë e thellimit të bashkëpunimit në fusha të ndryshme me interes të ndërsjellë, siç është fusha e mbrojtjes dhe sigurisë./Arbresh.info/
Kryeministri Rama shkon në Hungari, takim me Viktor Orban
Krasniqi: Bashkëqeverisja e domosdoshme, por s’shohim mundës...
Aksident mes një veture dhe një motoçiklete në rrugën Mitrov...
Audioincizimet Kusari Lila-Radoiçiq, nesër seancë e jashtëza...
Kosumi: Gjenerata e sakrificës e lënduar nga organizmi Shqip...
Në Gjakovë po hetohen ende rastet e vetëlëndimeve të disa nx...