Kryetari i Grupit Parlamentar të Partisë Demokratike të Kosovës, Abelard Tahiri ka thënë ka kërkuar që të shtyhet votimi i marrëveshjeve ndërkombëtare, sepse është tejet e rëndësishme të hidhet dritë mbi marrëveshjet e fshehta të kryetares së Grupit Parlamentar të Lëvizjes Vetëvendosje, Mimoza Kusari-Lila me kryeterroristin Milan Radojiçiq.
Tahiri, në një konferencë për media tha se kjo legjislaturë është e kontaminuar dhe e kriminalizuar.
“Përveç faktit që Milan Radojiçiq na e paska përcaktuar pagën minimale dhe na i ka përjashtuar kategoritë më të ndjeshme, më të lavdishme nga kjo pagë dhe që paska pasur edhe kandidat të tij për Gjykatë Kushtetuese nga radhët e shqiptarëve, në çka tjetër janë të involvuar dhe kanë marrëveshje me Milan Radojiçiqin?”, tha ai.
Tahiri theksoi se PDK nuk do të bashkëpunojnë në asnjë rrethanë me Lëvizjen Vetëvendosje përderisa Grupi Parlamentar i saj udhëhiqet nga Kusari-Lila.
“Ne po ua bëjmë të qartë që me këtë parti politike nuk do të bashkëpunojmë në asnjë rrethanë, në asnjë moment, përderisa e kanë kryetare të Grupit Parlamentar një person, që tashmë është e qartë që koordinimin për vendimmarrje në Kuvendin e Kosovës e bën me Milan Radojiçiqin, me vrasësin e Afrim Bunjakut”, tha ai./Arbresh.info/
Avancohet statusi i Agjencisë për Informim dhe Privatësi
Begaj falënderoi Erdogan për ndihmën ndaj shqiptarëve dhe Ko...
Rama: Turqia ishte e para që njohu Kosovën, ajo është mikja ...
Real Madridi merr një lajm të keq, shtyhet data e kthimit të...
Dronë kamikazë nga Turqia/ Rama: Fuqizojmë industrinë ushtar...
“Shqipëria partner strategjik”, Erdogan në Tiranë: Jam në ve...