Prokuroria Themelore në Prishtinë, ka njoftuar se është arrestuar personi që ka kërcënuar gazetarin Vehbi Kukaj, pas publikimit të përgjimit për shefen e Grupit Parlamentar të Lëvizjes Vetëvendosje, Mimoza Kusari-Lila me Milan Radoiçiq, atëherë ishte nënkryetar i Listës Serbe.
Siç njofton Prokuroria veprimet e ndërmarra kanë rezultuar fillimisht me arrestimin e të dyshuarit nga Policia e Kosovës.
“Prokuroria Themelore në Prishtinë, njofton opinionin publik se pas publikimit të informatave rreth kërcënimit që ka marrë gazetari V.K., për shkak të punës dhe profesionit të tij, Prokurori i Shtetit në koordinim të plotë me Policinë kanë ndërmarrë të gjitha veprimet e nevojshme hetimore, me qëllim të identifikimit të dyshuarit dhe sigurimit të prezencës së të njëjtit në procedurën penale. Veprimet e ndërmarra kanë rezultuar fillimisht me arrestimin e të dyshuarit nga Policia e Kosovës, ndërkaq, me urdhër të Prokurorit të Shtetit i dyshuari është ndaluar në kohëzgjatje prej 48 orësh, për shkak të veprës penale “Kanosja”, sipas KPRK-së”, thuhet në njoftim.
Prokuroria në koordinim me Policinë po vazhdojnë me ndërmarrjen e veprimeve të tjera hetimore lidhur me këtë rast./Arbresh.info/
LEXO EDHE:
Avancohet statusi i Agjencisë për Informim dhe Privatësi
Begaj falënderoi Erdogan për ndihmën ndaj shqiptarëve dhe Ko...
Rama: Turqia ishte e para që njohu Kosovën, ajo është mikja ...
Real Madridi merr një lajm të keq, shtyhet data e kthimit të...
Dronë kamikazë nga Turqia/ Rama: Fuqizojmë industrinë ushtar...
“Shqipëria partner strategjik”, Erdogan në Tiranë: Jam në ve...