Google ADS

Trepça sot nis aventurën në Fiba Europe Cup

08:26 | 9 Tetor 2024
D.H

Trepça sot do të luaj ndeshjen hapëse për sezonin e ri në Fiba Europe Cup ndaj Dijonit të Francës.

Kjo ndeshje do të nis me fillim nga ora 20:00, shkruan Arbresh.info.

Dijon është një skuadër me mjaft përvojë në gara evropiane, teksa kualifikimin për në fazën e grupeve e ka arritur pasi ka mposhtur Dinamo Zagrebin në dy ndeshjet.

Kurse në Superligën franceze të basketbollit pas dy ndeshjeve të luajtura ka një fitore e një humbje.

Ndërsa kampionia e Kosovës nisi edicionin mbarë duke triumfuar në Superkupën e Kosovës, teksa pati performanca të shkëlqyera edhe në kualifikimet për Ligën e Kampionëve, duke mposhtur Kervanos.

Ndërsa në ndeshjen e dytë u mposht nga Nymburku.

Elita e basketbollit kosovar nuk ka nisur mirë për “xehetarët” ku pas katër ndeshjeve kanë dy fitore e dy humbje.

Kujtojmë se këto dy skuadrat janë në grupin H, të FEC së bashku me Ludwigsburgun dhe Caledonia Gladiators.

Mitrovicasit marrin pjesë për sezonin e dytë me radhë në këtë kompeticion./Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm