Google ADS

Bastisje në Mitrovicën e Veriut, policia sekuestron armë dhe pajisje ushtarake

17:51 | 7 Tetor 2024
E.G

Policia e Kosovës sot ka zhvilluar bastisje në Mitrovicë të Veriut nën dyshimin se aty mund të ketë substance narkotike.

Lajmin për Arbresh.info e ka konfirmuar zëvendësdrejtori i policisë për rajonin e veriut, Veton Elshani i cili tregoi se çka është sekuestruar.

“Sot rreth orës 13.00 pas pranimit të informacionit se në një vend të caktuar në Mitrovica Veri mund të ketë substanca narkotike, Policia e Kosovës ka zhvilluar një bastisje. Gjatë bastisjes në këtë shtëpi Policia ka has dhe ka sekuestruar: 1 AK-47, 2 Granata Dore M-75, 2 Radiolidhje, 2Antiplumba, Kapelë, Dorëza, Çanta Ushtarake, Karikator të zbrazët e të mbushur me fishekë të pistoletës, Harta, Rrip brezi, Sprej, Thikë, Shall kamufllazhi etj”, ka thënë ai për Arbresh.info.

Elshani tha se 2 persona të dyshimtë njëri me iniciale A.J. i lindur me 1992 dhe V.J. i lindur me 1978 nuk janë hasur në shtëpi por tashmë janë shpallur si persona në kërkim./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm