Lidhur me protestën e PD-së të hënën, ka reaguar edhe ambasada amerikane në Tiranë, përmes një deklarate në faqen e saj zyrtare. Ajo këshillon personelin e ambasadës që të shmangë vendet ku do të mbahet protesta, si dhe të monitorojnë mediat lokale.
“Një demonstratë është planifikuar të zhvillohet të hënën, më 7 tetor. Protestuesit planifikojnë të mblidhen pranë Kryeministrisë në orën 18:00. Pritet prania e shtuar e policisë, mbyllja e rrugëve dhe ndërprerja e qarkullimit. Policia e Shtetit Shqiptar ka këshilluar se protestuesit mund të bllokojnë kryqëzimet në pjesë të ndryshme të qytetit të Tiranës. Personeli i ambasadës është këshilluar të shmangë demonstratën. Monitoroni mediat lokale dhe ndiqni udhëzimet e autoriteteve lokale të zbatimit të ligjit për informacionin më të fundit. Veprimet që duhen ndërmarrë: Qytetarët amerikanë këshillohen të shmangin këtë ngjarje; Monitoroni mediat lokale; Jini të vetëdijshëm për rrethinën tuaj; Mbani një profil të ulët”, njofton ambasada amerikane.
/rtsh.al/
Asllani thotë se te Kosova ka motiv për t`i mposhtur kundërs...
Arrestohet një person për keqpërdorim të pozitës zyrtare
SHBA, rreth 24 milionë emigrantë me të drejtë vote
Abdixhiku: Nga java e parë e qeverisjes sime s’do ketë pensi...
Selia e PS kthehet në skenë krimi/ Mbërrijnë ekspertët për t...
Haxhiu dhe homologu maqedonas diskutojnë për çështjen e arre...