Ministri i Brendshëm i Shqipërisë, Ervin Hoxha deklaroi sot se është duke u finalizuar dhe do të dërgohet për miratim nisma ligjore për rikuperimin e aseteve.
“Zyra e Rikuperimit të Aseteve (ZRA) është projektuar si një njësi proaktive pranë Policisë, sipas modelit të disa vendeve evropiane”, u shpreh Hoxha.
Kjo njësi, theksoi ministri, ndryshe nga AAPSK, do të përdorë inteligjencën policore për të ndjekur paranë apo prona me burim të dyshimtë.
Deklarata e ministrit u bë gjatë një takimi ku prezantoi Risena Xhajën në krye të Agjencisë së Administrimit të Pasurive të Sekuestruara dhe Konfiskuara (AAPSK).
Xhaja vjen nga një përvojë e gjatë në administratë.
Sipas ministrit, AAPSK është një mekanizëm jashtëzakonisht i rëndësishëm për luftën kundër krimit, sidomos kundër krimit të organizuar, për goditjen e tij në pikën më nevralgjike, që është paraja, të ardhurat dhe pasuria./atsh
Përurohet çerdhja e re në Komunën e Suharekës, marrin pjesë ...
Vdes i aksidentuari në autostradën “Ibrahim Rugova”
IIPK-ja rekomandon suspendimin e dy policëve: Njëri që plago...
Ambasadori italian mirëpret komandantin e ri të KFOR-it në K...
Eminem do të bëhet gjysh
Boris Johnson pretendon se Netanyahu i vendosi përgjues në t...