Zëvendëskryeministri i parë për Integrim Evropian, Zhvillim dhe Dialog, Besnik Bislimi, mori pjesë në pritjen e organizuar nga ambasada e Gjermanisë në Kosovë, me rastin e Ditës së Unitetit të Gjermanisë.
Në fjalën e tij, ai shprehu vlerësimin për përkrahjen e palëkundur të Gjermanisë ndaj Kosovës veçanërisht në etapat shtetndërtuese, përcjell Arbresh.info.
“Mbështetja juaj ka qenë e rëndësishme në forcimin e institucioneve tona, avancimin e ekonomisë dhe nxitjen e zhvillimit shoqëror. Kujtojmë me mirënjohje të thellë rolin vendimtar të Gjermanisë në mbështetjen e aspiratave të Kosovës në arenën ndërkombëtare. E vlerësojmë shumë kontributin e Gjermanisë në fusha të tilla si zhvillimi ekonomik, arsimi, siguria dhe shkëmbimi kulturor, teksa forcojmë edhe bashkëpunimin tonë ekonomik e shoqëror, i cili kontribuon edhe në stabilitetin dhe progresin e të gjithë rajonit.” u shpreh Bislimi, njofton ZKM.
Në përfundim, Bislimi tha se Kosova është tashmë një shtet i cili synon anëtarësimin në OKB, BE, NATO, Këshill të Evropës, dhe organizata të tjera ndërkombëtare, ku edhe me mbështetjen e shteteve aleate e partnere si Gjermania, ecim drejt realizimit të këtyre synimeve./Arbresh.info
Një shpjegim i thjeshtë përse zemra nuk preket nga kanceri
Zbardhet lista e Anglisë për ndeshjet e tetorit
Kurti për AP: Fitorja e Rusisë në Ukrainë do të rrezikonte p...
Të paktën 14 të vrarë në një sulm izraelit në Bregun Perëndi...
Kurti në Poloni: E ardhmja e vendit tim është në BE dhe NATO
Pako me duhan pa banderola gjenden në Viti, sekuestrohen nga...