Kryetari i Aleancës për Ardhmërinë e Kosovës, Ramush Haradinaj ka qëndruar sot në qytetin e Gjilanit, ku është pritur në takim nga kryetari i shoqatës “Handikos”, Fatmir Shurdhani.
Me anë të një postimi në Facebook, Haradinaj tha se takimi me këta njerëz ishte me plotë ide frytdhënëse, përcjell Arbresh.info.
“Z. Shurdhani na informoi hollësisht për situatën e personave me nevoja të veçanta, duke përfshirë aspektin ligjor”, shkroi Haradinaj.
“Është e papranueshme që kjo pjesë e ndjeshme e shoqërisë sonë, përballet me neglizhencë nga institucionet. Ligji aktual, e po ashtu edhe skemat aktuale pensionale dhe sociale nuk reflektojnë përmirësimin e jetës së qytetarëve e as koston reale të jetesës, veçanërisht atyre që kanë nevojë për dorën e shtetit. Programi ynë parasheh përmirësimin e bazës ligjore për personat me nevoja të veçanta, si dhe rritje 50% në të gjitha skemat pensionale dhe sociale. Bashkërisht, pas 9 shkurtit, do të ndërtojmë një Kosovë që kujdeset për të gjithë qytetarët e saj”, u shpreh Haradinaj./Arbresh.info
Të paktën 14 të vrarë në një sulm izraelit në Bregun Perëndi...
Kurti në Poloni: E ardhmja e vendit tim është në BE dhe NATO
Pako me duhan pa banderola gjenden në Viti, sekuestrohen nga...
Spektakël me gjashtë gola – Porto dhe Man Utd ndajnë pikë në...
Përleshje fizike në Gjakovë, policia arreston pesë persona
Bislimi mori pjesë në organizimin për Ditën e Unitetit të Gj...