Haradinaj i zhgënjyer me punimet në autostradën Prishtinë-Gjilan

14:53 | 3 Tetor 2024
Q L

Kryetari i AAK-së, Ramush Haradinaj, ka thënë se është zhgënjyer dhe i dëshpëruar ritmi i punimeve në autostradën Prishtinë – Gjilan.

Haradinaj tha se autostrada, që sipas tij, u nis gjatë qeverisjes së tij më 2018, në 19 muajt e parë të projektit, kanë qenë të përfunduara 47 për qind e punimeve.

“Me dinamikën e asaj kohe dhe në bazë të planifikimeve tona, ky projekt do duhej të përfundonte në 2021. Pazotësia e qeverisë aktuale, këtë projekt e ka sjellur në gjendje të mjerueshme. Punimet po ecin me ritëm të ngadaltë, duke lënë Gjilanin dhe Anamoravën të izoluar”, tha Haradinaj në postimin e fundit në Facebook.

Tutje ai shtoi se “Kjo përbuzje nga pushteti qendror është e pafalshme. Qeveria aktuale jo vetëm që ka ndërprerë shumë projekte të filluara nga ne, por edhe ato që po vazhdojnë po kryhen me cilësi të dobët”.

“Me AAK-në në pushtet, Gjilani do të rikthehet në qendër të investimeve dhe projekteve kapitale”, tha ai./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm