Sulm me thikë në një supermarket në Kinë, tre të vdekur dhe disa të plagosur

16:01 | 1 Tetor 2024
K.B

Tre persona u vranë dhe 15 të tjerë u plagosën pasi një burrë sulmoi me thikë brenda një supermarketi në Shangai mbrëmjen e së hënës.

Policia kineze tha se arrestoi një 37-vjeçar, duke shtuar se ai kishte udhëtuar me qëllim drejt Shangai për t’u hakmarrë për një mosmarrëveshje financiare.

Incidenti ndodhi në një qendër tregtare në Songjiang, një lagje me popullsi të dendur në jugperëndim të qytetit, e cila është gjithashtu shtëpia e disa universiteteve.

“Kishte gjak kudo,” tha një dëshmitar okular për BBC.

Armët e zjarrit janë të ndaluara në Kinë, por kohët e fundit ka pasur një sërë sulmesh me thikë. Muajin e kaluar, një japonez 10 vjeçar vdiq pasi u godit me thikë pranë shkollës së tij në Kinën jugore.

Në qershor të këtij viti, katër instruktorë të një kolegji amerikan u goditën me thikë në një park publik në qytetin Jilin. Në maj, një burrë goditi me thikë dy persona dhe plagosi 21 të tjerë në një spital në provincën jugore të Yunnan./abcnews.al

Shpërndaje në rrjete sociale

Lajmet më të lexuara

Të ngjashme

Foto lajm