Deputeti i Lidhjes Demokratike të Kosovës (LDK), Avdullah Hoti ka thënë se mosekzekutimi i pagave për punëtorët e sektorit publik është neglizhencë e Hekuran Muratit ndaj detyrave ligjore që ka si ministër i Financave.
Me anë të një postimi në Facebook, ai tha se më e pakta që mund të bëhej ishte informimi paraprak dhe sqarimi për arsyet dhe sqarimin për arsyet dhe hapat e ndërmarrë për zgjidhjen e çështjes, shkruan Arbresh.info.
“Ministri i Financave edhe të dielën ishte shumë i angazhuar me inxhiniering të shifrave ekonomike për të portretizuar mesazhet politike, të cilat atij dhe ministrave të tjerë ua dikton partia. Por, nuk e kishte idenë se ditën tjetër nuk do të ekzekutoheshin pagat për rreth 85 mijë zyrtarë në sektorin publik. Kjo sjellje është neglizhencë ndaj detyrave ligjore që ka Ministri i Financave.”, ka thënë ai.
“Tendenca për të vendosur kontrollin mbi administratën shtetërore, duke lënë me ushtrues detyre pozitat kryesore po shkon në dëm të zyrtarëve shtetërorë dhe gjithë administratës.”, shtoi Hoti.
“Si mund të mbajnë shtet këta kur bëjnë lëshime të tilla?”, përfundoi ai./Arbresh.info/
Pas një dite vonesë, ekzekutohen pagat në sektorin publik
Rohde: Gjermania do të vazhdojë të qëndrojë pranë Kosovës si...
Musliu -Shoshi kërkon futjen e Kosovës në agjendën për anëta...
Greqia sërish në luftë me zjarre masive vdekjeprurëse
Begaj e uron Rutten: Nën drejtimin e tij, NATO do të jetë nj...
Në krahasim me vitin e kaluar, në viti 2024 bie numri i aksi...