Google ADS

Arrestohen dy persona në Prishtinë, dyshohet se sulmuan një person pas një mosmarrëveshje në trafik

09:04 | 29 Shtator 2024
E.G

Policia e Kosovës ka arrestuar dy persona në Prishtinë pasi që të njëjtit dyshohet se pas një mosmarrëveshje në trafik,  e kanë sulmuar fizikisht një person.

Sipas policisë, rasti ka ndodhur dje (28 shtator) dhe njëri nga të arrestuarit është mitur, shkruan Arbresh.info.

Në raportin 24 orësh thuhet se në vendin e ngjarjes janë gjetur dhe konfiskuar tri shufra metalike.

Me vendim të prokurorit të dyshuarit janë dërguar në mbajtje.

“LËNDIM I LEHTË TRUPOR & SULM Rreth-rrotullimi Lakërishtë, Prishtinë /  28.09.2024-17:10.  Janë arrestuar dy të dyshuar meshkuj kosovar (njëri i mitur) pasi që të njëjtit dyshohet  se pas një mosmarrëveshje në trafik,  e kanë sulmuar fizikisht viktimën mashkull kosovar. Në vendin e ngjarjes janë gjetur dhe konfiskuar si prova materiale  tri shufra metalike. Palët janë intervistuar  dhe me vendim të prokurorit,  dy të dyshuarit janë dërguar në mbajtje.”, thuhet në njoftimin e policisë./Arbresh.info.

Shpërndaje në rrjete sociale

Lajmet më të lexuara

Të ngjashme

Foto lajm