Inspektorati i Prishtinës nis aksionin për largimin e veturave të braktisura

14:42 | 27 Shtator 2024
K.B

Inspektorati i Prishtinës, ka nisur një aksion të rëndësishëm për largimin e veturave të braktisura nga hapësirat publike në kryeqytet.

Në njoftimin për media nga ky Inspektorat thuhet se aksioni po bëhet për të krijuar kushte më të mira për qytetarët dhe banorët e Prishtinës.

“Ky aksion është pjesë e vizionit të Kryetarit Përparim Rama për lirimin e hapësirave publike dhe parkingjeve, duke krijuar kushte më të mira për qytetarët dhe banorët e Prishtinës. Me këtë iniciativë, synohet të përmirësohet cilësia e jetës në qytet, duke eliminuar veturat e fjetura që zënë hapësirat e rëndësishme dhe ndotin ambientin urban”, thuhet në njoftim.

Tutje thuhet se ky hap tregon angazhimin e institucioneve për një Prishtinë më të pastër dhe të organizuar./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm